НИТХ-ын төлөөлөгч Ж.Сандагсүрэнг Ерөнхий сайдын Ахлах зөвлөхөөр томилжээ

Өмнө нь Сонгинохайрхан дүүргийн Засаг даргаар ажиллаж байсан НИТХ-ын төлөөлөгч Ж.Сандагсүрэнг Ерөнхий сайд Г.Занданшатар өөрийн Ахлах зөвлөх бөгөөд Ажлын албаны даргаар томилсон байна. Энэ талаар ЗГ-ын Хэвлэл мэдээлэл, олон нийттэй харилцах хэлтсээс тодруулахад "Томилогдсон нь үнэн. Тэрбээр өнөөдөр Ажлын албаны хуралд оролцсон" гэлээ.

Ж.Сандагсүрэн нь 2012-2020 онд СХД-ийн ИТХ-ын төлөөлөгч, 2016-2020 онд СХД-ийн Засаг дарга, 2020-2023 онд Нийслэлийн Засаг даргын орлогч, 2020 оноос одоог хүртэл НИТХ-ын төлөөлөгчөөр ажиллаж байна.