ЦЕГ: Дохиур мод барьж өөртөө зам чөлөөлсөн иргэнийг 20 мянган төгрөгөөр торгож, жолоодох эрхийг 1 жилээр хасжээ
20
Цахим орчинд “...Дохиураар хувийн машинаа өөрийгөө чөлөөлөөд яваад байж болдог уу” гэх агуулгатай мэдээлэл нийтлэгдсэн.
Мэдээллийг цагдаагийн байгууллагаас тодруулахад "бүртгэлд авч шалгахад нэр бүхий иргэн нь энэ оны зургаадугаар сарын 14-ний өдөр Сүхбаатар дүүргийн нутаг дэвсгэрт замын хөдөлгөөнд оролцохдоо замын тэмдэг, тэмдэглэлийн заалтыг зөрчсөн тул Зөрчлийн тухай хуульд заасны дагуу 20.000 төгрөгөөр торгож, 1 жилийн хугацаагаар эрх хасах шийтгэл оногдуулсан.
Иргэд, жолооч та бүхэн замын хөдөлгөөний дүрмийг баримтлан бусдад хүндэтгэлтэй хандаж, хөдөлгөөнд соёлтой оролцохыг анхааруулж байна" гэв.
