Н.Энхболд: Ц.Анандбазартай холбоотой мэдээлэл УИХ, Халдашгүй байдлын дэд хороонд ирээгүй

УИХ-ын гишүүн Ц.Анандбазарыг прокурорын байгууллагаас яллагдагчаар татаад байгаа. Тиймээс гишүүний бүрэн эрхийн түдгэлзүүлэх эсэх асуудлыг хэрхэх Халдашгүй байдлын дэд хорооны дарга Н.Энхболдоос тодрууллаа.

-УИХ-ын гишүүн Ц.Анандбазарыг яллагдагчаар татаад байна. Бүрэн эрхийг нь түдгэлзүүлэх үү?

-Надад хэвлэлийн мэдээлэл л байна. Нэмэлт мөрдөн байцаалтад буцаасан юм билээ. Яллагдагчаар татсан тогтоол нь байгаа байх. Одоогоор УИХ болон Халдашгүй байдлын дэд хороонд ирсэн мэдээлэл алга.

-“УБТЗ” ХНН-ийн захирлаар Х.Хэрлэнг томилох санал хүргүүлсэн гэнэ. Энэ талаар мэдээлэл бий юу. ОХУ-ын талаас уг нь заавал мэргэжлийн хүн тавих шаардлага тавьж байгаа гэх мэдээлэл байсан?

-ОХУ-ын талаас заавал мэргэжлийн хүн тавь гэсэн шаардлага тавьж байгааг би сонсоогүй. Ажил гүйцэтгэх чадвар, туршлагыг харж байгаад тавих болов уу. Хоёр тал саналаа солилцож байгааг шийдвэрлэх байх.