Өмнөговь аймагт бохирын худагт хоёр хүн унаж нас баржээ

Аравдугаар сарын 20-ны өдрийн 04 цаг 40 минутад Өмнөговь аймгийн Ханбогд сум, Хайрхан 5 баг Цагаан хад суурьшлын бүсэд “Бохирын цооногт хоёр хүн унасан” гэх дуудлага, мэдээлэл Цагдаагийн байгууллагат бүртгэгдсэн байна.

Тус аймгийн цагдаагийн газраас шалгахад 33-51 насны хоёр эмэгтэй “Э” гэх компанийн бохирын худагт унаж, харамсалтайгаар амь насаа алдсан хэрэг гарсан байгааг тогтоожээ. Одоогийн байдлаар мөрдөн шалгах ажиллагаа үргэлжилж байгааг Цагдаагийн Ерөнхий газраас мэдээллээ.