Ү.Оюунзул: БЗД-т нэр дэвших эрхээ авлаа
Аймаг, нийслэл, сум, дүүргийн иргэдийн Төлөөлөгчдийн Хурлын 2024 оны ээлжит сонгуульд улс төрийн намууд нэр дэвшигчдээ яг одоо тодруулаад байна.
Тухайлбал, нийслэлийн ИТХ-ын сонгуульд МАН-аас нэр дэвших 45 хүний нэрс тодроод буй бол НИТХ-ын төлөөлөгч Ү.Оюунзул 2020 оны ИТХ-ын сонгуульд нэр дэвшиж ялалт байгуулсан БЗД-т дахин нэр дэвших эрхээ баталгаажуулжээ.
Тэрбээр энэ талаар мэдээлэхдээ “Ардын охин ардын хүч” уриатайгаар үнэнбатын оюунзул миний бие 2020 онд нитх-ын сонгуульд Баянзүрх дүүрэгт нэр дэвшин өрсөлдөж, сонгогчдынхоо итгэлийг хүлээн, хамгийн их санал авч, тойрогтоо үнэмлэхүй ялалт байгуулан, НИТХ-ын төлөөлөгчөөр сонгогдон, дөрвөн жил ажиллалаа.
Мөн их хотын уушги болсон, нийслэлийн иргэдийн ундны усны эх үүсвэрийг хамгаалж, агаарын бохирдлыг бууруулах зорилгоор мод тарьж, ногоон байгууламж бүтээдэг “Үндэсний цэцэрлэгт хүрээлэн”-г амжилттай удирдан ажилласан.
Би иргэдийнхээ дуу хоолой болж, хариуцлагатай, бүтээлч байж, ажлаа сайн хийх гэж үргэлж хичээсээр ирсэн.
Тийм ч учраас нийслэлийн ман-аас Баянзүрх дүүргийн 8, 9, 10, 11, 17, 19, 20, 23, 24, 28, 30, 31, 32, 33, 34, 35, 38, 39-р хороод болох зүүн бүсэд нийслэлийн иргэдийн төлөөлөгчдийн хуралд нэр дэвших эрхээ дахин авлаа" гэв.
