Дөрвөн байршилд зам хаасантай холбогдуулан МИАТ компани МЭДЭГДЭЛ гаргалаа

Өчигдрөөс буюу Аравдугаар сарын 18-ны 23:00 цагаас 21-ний 06:00 цаг хүртэл хугацаанд дөрвөн байршилд зам хааж, засвар шинэчлэл хийж буйтай холбогдуулан зорчигч үйлчлүүлэгчдийг нислэгийн хуваарьт цагаас хоцрох эрсдэлийг тооцоолон бусад боломжит замуудыг сонгон зорчиж, нислэгээс 2-3 цагийн өмнө Чингис хаан олон улсын нисэх буудалд ирж, нислэгийн бэлэн байдлыг хангах ёстойг анхааруулсан мэдэгдэл гаргажээ.

Тодруулбал,

Энхтайваны гүүрнээс - Тэмээтэй хөшөөний уулзвар

Архивын ерөнхий газраас - Нисэхийн аюулгүйн тойрог хүртэлх зүүн эгнээ

Скай ресортоос - Их тэнгэрийн ам

Номин моторсоос /Яармаг/ - “Титан центр” гэсэн байршлуудад засвар, шинэчлэлийн ажил хийгдэж буй.