Засгийн газраас “Шинэ сэргэлтийн бодлого”-ын Хот, хөдөөгийн сэргэлтийн хүрээнд “Шинэ хоршоо хөдөлгөөн” өрнүүлэх, энэ хүрээнд таван их наяд төгрөгийн “Шинэ хоршоо-Чинээлэг малчин” хөтөлбөр хэрэгжүүлэхээр болж өнгөрсөн нэг сарын хугацаанд улс орон даяар хэрэгжиж эхлээд буй юм.

ЗГХЭГ-ийн даргын зөвлөх Ү.Амарбат: Хоршооны гол зорилго нь 5 жилийн хугацаанд хөнгөлөлттэй зээл малчдад болоод мал аж ахуйн салбарт тэгш, хүртээмжтэй олгох юм. Мөн малчид зудын эрдсэлийг төрийн гар харах биш, хоршооны нэгдлийн хүчээр хүндрэлийг даван гардаг тогтолцоог бүрдүүлэх зорилготой. Хөтөлбөрийн хүрээнд малын бэлчээрийн газрыг огт хөндөхгүй. Харин тэжээлийн үнэ хэт өндөр байгаа асуудлыг малчид сануулдаг учраас тухайн суманд нь 5 га орчим газарт тэжээл тармилжуулах ажлыг хийнэ. Ардчилсан нам "Шинэ хоршоо" хөдөлгөөнийг сөргүүлж, малчдын зээлийг тэглэх сонгуулийн ажлаа хийх шийдэл гаргасанд харамсаж байна.