Өнөөдөр наадам зохион байгуулах комисс хуралдана

Монгол Улсын Тулгар төрийн 2229, Их Монгол Улсын 814, Ардын хувьсгалын 99 жилийн ой, Үндэсний Их баяр наадам 7 дугаар сарын 11, 12-нд нийслэлд болон бүх аймагт нэгэн зэрэг болно. Цаг үеийн онцгой нөхцөл байдалд тохируулан Баяр наадмыг олон хүн цуглуулахгүйгээр бөхийн барилдаан, морин уралдаан, сур харвааг үзэгчдэд цахимаар хүргэхээр болсон билээ. 

Тэгвэл өнөөдөр буюу зургадугаар сарын 29-ны Үндэсний наадам зохион байгуулах комисс 11:30 цагт хуралдахаар болжээ.