Нийслэлийн төрийн өмчийн цэцэрлэгийн бүртгэл наймдугаар сарын 3-нд эхэлнэ

2020-2021 оны хичээлийн жилд Нийслэлийн төрийн өмчийн цэцэрлэгт шинээр элсэх 2-5 настай хүүхдийн бүртгэл 2020 оны наймдугаар сарын 3-наас 25-ны өдрүүдэд tsetserleg.ulaanbaatar.mn системээр явагдана.

Бүртгэл 2020 оны наймдугаар сарын 3-ны 09:00 цагт эхэлж, наймдугаар сарын 25-ны 23:59 цагт дуусна. 

Энэ жил орон нутгийн сонгууль болохтой холбогдуулан иргэний шилжилт хөдөлгөөн 2020 оны наймдугаар сарын 15-наас аравдугаар сарын 15 хүртэл зогсох тул шилжилт хөдөлгөөнөө дээрх хугацаанаас өмнө хийлгэхийг зөвлөлөө.

Цэцэрлэгийн цахим бүртгэл нь улсын бүртгэлд бүртгэлтэй хаягийн дагуу цэцэрлэгт хуваарилдаг аж.