“Захиалгат улс төржилтөөс шалтгаалж дахин төлөвлөлтийн ажил зогсвол 300 иргэн гудамжинд гарахад хүрнэ“

Гэрэл зургийг mpa.mn

Дахин төлөвлөлтийн асуудлаар Сүхбаатар дүүргийн дөрөвдүгээр хорооны оршин суугчид өнөөдөр /2022.06.13/ мэдээлэл хийлээ.

Тус дахин төлөвлөлт хариуцсан компанийн зүгээс "1961 онд ашиглалтад орсон 61 жилийн насжилттай дулааны 18 орон сууцны дахин төлөвлөлтийг хэрэгжүүлэхээр ажиллаж эхэлсэн. Төслийн нэгдүгээр ээлж болх худас усны 36 дугаар орон сууцны ажил иргэдтэй гэрээ байгуулж байх хугацаанд буюу 2021 оны есдүгээр сарын 8-ны өдрийн газар хөдлөлтөөр ашиглалтын шаардлага хангахааргүй болсон.

Гэрэл зургийг mpa.mn

Үүнтэй холбоотойгоор Улаанбаатар хотын Захирагчийн ажлын алба, НЗДТГ, Хот байгуулалт хөгжлийн газрын албаныхан өөрсдийн биеэр ирж, иргэдийн нүүлгэн шилжүүлэх ажлыг хийсэн. Хэрвээ дахин төлөвлөлтийн ажил явагдаагүй бол 60 гаруй хүн гудамжинд гарах нөхцөл үүсэх байсан.

Гэтэл тухайн орон сууцны ойр орчмын оршин суугчид шантааж хийж, улс төржүүлж хэн нэгэн улс төрчтэй холбож байна. Хэрвээ эл үйлдлээс шалтгаалан дахин төлөвлөлтийн ажил зогсвол 60 гаруй өрхийн 300 орчим иргэн гудамжинд гарах нөхцөл байдал үүснэ. Дахин төлөвлөлтийн ажил улс төржилтөөс ангид байх хэрэгтэй" гэх мэдээллийг өглөө.

Гэрэл зургийг mpa.mn