Хууль бусаар агнуурын амьтан агнасан дөрвөн иргэнийг саатуулжээ

Хилийн цэргийн 0306 дугаар ангийн дугаар салбарын хариуцсан хэсэг "Оршуун гол"-ын эргийн дагуу нэгдүгээр сарын 10-ны өдөр Монгол Улсын дөрвөн иргэн хууль бусаар агнуурын амьтан агнасан зөрчил үйлдэж байх үед нь хилийн манаа нисгэгчгүй нисэх хэрэгсэл ашиглан илрүүлэн саатуулжээ.

Тус иргэдийг хуулийн дагуу Дорнод аймгийн Экологийн цагдаагийн албанд хүлээлгэн өгсөн байна.