Дундговь аймгийн Засаг даргын үүрэг гүйцэтгэгчээр аймгийн орлогч дарга М.Анхбаярыг томилжээ

Анхны 126 гишүүнтэй ес дэх удаагийн парламентад дөрвөн аймгийн засаг дарга гишүүнээр сонгогдоод буй. Тэгвэл Ерөнхий сайд захирамж гарган Ховд, Говь-Алтай, Өмнөговь, Дундговь аймгуудад засаг даргын албан үүргийг түр орлон гүйцэтгэгч нарыг томилсон байна.

Дундговь аймгийн Засаг дарга Ц.Мөнхбат Говийн бүсэд АН-аас нэр дэвшин өрсөлдөж, УИХ-ын гишүүнээр сонгогдсон тул түүний оронд үүрэг гүйцэтгэгчээр М.Анхбаярыг томилжээ.

М.Анхбаяр нь 2020 оноос Дундговь аймгийн Засаг даргын орлогчоор ажиллаж байсан юм.