Б.Мөнхтамир: МИАТ ТӨХК-тай холбоотой худал мэдээлэл түгээж байгаа нь улс төрийн зорилготой, намайг солих гэсэн оролдлого гэж хардаж байна

МИАТ компанийн санхүүгийн байдал хүндэрч дампуурах эрсдэлд хүрсэн тухай болон ажилчдынхаа цалингаа тавьж чадахгүй нөхцөл байдалд орсон гэх асуудлыг МИАТ ТӨХК-ийн Гүйцэтгэх захирал Б.Мөнхтамираас тодрууллаа. Тэрбээр "Ойрын өдрүүдэд МИАТ ТӨХК-тай холбоотой худал мэдээлэл түгээж байгаа нь улс төрийн зорилготой буюу намайг солих гэсэн оролдлого гэж хардаж байна. Улс төрийн балиар тогтсон аргаа над дээр хэрэглэхээ болио.

Одоо энэ арга явахаа больсон шүү. Хамгийн гол нь үнэн юм ярих хэрэгтэй. Намайг элдэв муугаар хэлж болно. Үүний цаана МИАТ ТӨХК-ийн олон улсын нэр хүндэд сөргөөр нөлөөлнө. Ганц хүнийг татаж унагаачхаад компанийн ирээдүйн том боломжуудыг хаачив даа" хэмээлээ.