Адуунаас болж Үндэсний цэцэрлэгт хүрээлэнгийн зүүн урд хэсэг буюу “Чухаг-“руу ордог хаалгыг хаахаар болжээ

Үндэсний цэцэрлэгт хүрээлэнгийн зүүн урд хэсэгт "Чухаг" орон сууцны хороолол руу гаргасан явган хаалгыг хаахаар шийдвэрлэсэн байна.

Уг хаалгаар адуу малаа оруулж хүрээлэнгийн мод ногоон байгууламжийг сүйтгэх, явган хүний зам талбайд малын баас хомоол ихсэх, мөн шашны зан үйл үйлдэж сүү цагаа, хүнсний зүйл талбайд өргөх зэргээс үүдэн олон нийтээс гомдол ихээхэн ирэх болжээ. Энэ асуудлаар Чухаг 2 СӨХ-д шаардлага хүргүүлж, хамтарч ажиллахыг хүссэн боловч арга хэмжээ аваагүй тул Үндэсний цэцэрлэгт хүрээлэн ийнхүү шийдвэрлэсэн байна.