Эмийг жороор олгосноос хойш өвчтөнд эрсдэл үүсэж, эмнэлгийн ачаалал нэмэгджээ

Эм, эмнэлгийн хэрэгслийн тухай хуулийн шинэчилсэн найруулга 2024 оны 10 дугаар сарын 01-ний өдрөөс мөрдөгдөж эхэлсэнтэй холбоотой эмийг жороор олгож эхлээд буй. Хууль мөрдөгдөж эхэлсэн өдрөөс хойш буюу аравдугаар сарын 1-25-ны хооронд эмийн тусламж үйлчилгээ болон эмийн жортой холбоотой Засгийн газрын 11-11 төвд нийт 759 гомдол мэдээлэл иржээ. Гомдлыг задалж үзвэл,

эрүүл мэндийн тусламж үйлчилгээтэй холбоотой 398 буюу 52.4

Жороор эм олгохтой холбоотой гомдол мэдээлэл 282 буюу 37.4 хувийг эзэлсэн байна.

Иргэдийн зүгээс эмийг жороор олгох болсонтой холбоотой гомдол мэдээллийн 36.5 хувь нь жороор олгох эмийн жагсаалттай холбоотой гомдол эзэлжээ. Мөн 25.9 хувийг жор олгосноос хойш эмнэлэгт ачаалал үүссэн, өвчтөнд эрсдэл үүсэж байна гэх гомдол мэдээлэл байж. Бусад гомдол мэдээлэл нь, эмийн хүртээмж нэмэгдүүлэх зэрэг асуудал байсныг ЗГ-ын 11-11 төвөөс мэдээлэв. Тус төв дээр өнөөдөр Эрүүл мэндийн сайд Т.Мөнхсайхан ажилласан билээ.