Өрхийн дундаж орлого 2.6 сая төгрөг байна

Нэг өрхийн сарын дундаж орлого 2.6 сая төгрөг болж өмнөх оны мөн үеэс 376.7 мянган төгрөгөөр нэмэгджээ. Энэ нь 16.8 хувиар өссөн үзүүлэлт аж. Мөн өмнөх улирлаас 107.9 мянган төгрөгөөр нэмэгдэж, мөнгөн орлого 2.5 сая төгрөг болж өмнөх оны мөн үеэс 361.9 мянган төгрөг буюу 17.3 хувиар өссөн болохыг ҮСХ-ны энэ оны аравдугаар сарын нийгэм, эдийн засгийн тайланд дурджээ.

Өрхийн мөнгөн орлогын бүтцийг авч үзвэл тэн хагас нь буюу 55.6 хувь нь /1.4 сая төгрөг/ цалин хөлсний орлого бүрдүүлж байна. Дараа нь тэтгэврийн 568.6 мянган төгрөгийн орлого 23.2 хувийг эзэлж байгаа бол тэтгэмж, хөдөө ахуйн үйлдвэрлэл, үйлчилгээний бусад орого бүрдүүлж байна.