Хүчтэй цасан шуурганы улмаас Хөшигийн хөндийн зам үзэгдэх орчин хязгаарлагдмал байна

Хөшигийн хөндийн тууш замд үзэгдэх орчин хязгаарлагдаж, замын нөхцөл байдал хүнд байна. Тодруулбал, Зам тээврийн хөгжлийн төвөөс Хөшигийн хөндий - Улаанбаатар чиглэлийн тууш замд 0-15км-т хүчтэй цасан шуурга шуурч үзэгдэх орчин хязгаарлагдмал байгаа тул тээврийн хэрэгслийн бүрэн бүтэн байдлыг хангаж, анхаарал болгоомжтой хурдаа тохируулж хөдөлгөөнд оролцохыг санууллаа.

Яг одоо зорчих хэсэгт шуурч, тогтсон цасыг цас хусагч, шүүрдэгч машинаар цэвэрлэх ажил хийгдэж байгаа юм байна.