Ирэх оны улсын төсөвт Хавдрын эмнэлгийг их засвар болон шинэ барилгын дэд бүтцэд 7.9 тэрбум төгрөг тусгажээ

Шинэ Засгийн газар анхны төсөвтөө Ерөнхийлөгчийн хориг тавиулж, зардлаа танах үүрэг авсан билээ. Тэгвэл энэ удаад сайд нарын багцаас танахаас эхлээд шинэ эд, хогшил авах, ваучер тараах асуудал УИХ-д дахин өргөн барих гэж буй шинэ төсвөөс хасагдсан байна.

Харин төсөв яригдаж эхлэхээс л хавдрын II эмнэлгийн барилгад төсөв тусгаагүй асуудал шүүмжлэл дагуулж, өчигдрийн УИХ-ын чуулганы нэгдсэн хуралдаанаар гишүүд эмнэлгийн барилгад төсөв суулгах шаардлагыг тавьж эхэлсэн билээ.

Тэгвэл дахин өргөн барих 2025 оны шинэ төсөвт ХСҮТ-ийн барилгад их засвар хийх, хоёрдугаар эмнэлгийн барилгын дэд бүтцэд 7.9 тэрбум төгрөг зарцуулахаар тусгасан аж.