ЗГХЭГ-ын Тэргүүн дэд даргын үүрэг гүйцэтгэгчээр Д.Мөнх-Эрдэнийг томиллоо

Шинэ Засгийн газрын ээлжит хуралдаан өнөөдөр буюу 2025 оны зургадугаар сарын 18-нд болж, хэд хэдэн асуудлыг шийдвэрлэсний нэг нь ЗГХЭГ-ын Тэргүүн дэд даргын үүрэг гүйцэтгэгчийг томилсон шийдвэр байв. Тодруулбал, ЗГХЭГ-ын Тэргүүн дэд дарга Б.Солонгоо Монгол Улсын Ерөнхий сайдын зөвлөхөөр ажиллах болсонтой холбогдуулан тус газрын Тэргүүн дэд даргын үүрэг гүйцэтгэгчээр Дэмбэрэлцэрэнгийн Мөнх-Эрдэнийг томиллоо.

Д.Мөнх-Эрдэнэ Засгийн газрын Хэрэг эрхлэх газрын Хууль, эрх зүйн газарт шинжээч, референт, газрын даргаар ажиллаж байсан юм.