АМРАХ АГШИН: Зун дуусахаас урьтаж...

Зуны шөнө шиг л богинохон юм гэнэ залуу нас. Дуусахаас нь урьтаж жаахан л тухалъя. Чихэвчээ зүүгээд хөгжмөө чангалъя. Дуутай нөхөрлөж, гитартай хоршъё. Шөнийн тэнгэр дор шөнөжин дуулалдаж хонъё. “Бурхан залуу насыг”-ыг бахдан түрье. Шөнөжин бужигнаж үүрээр амсхийе.

Аялалд гаръя. Шил дарс, шилэн хундага, юүдэнтэй хүрмээ цүнхлээд хаашаа ч хамаагүй хамтдаа аялъя. Ил галаа тойроод сууя. Зүлгэн дээр хэвтье. Тэнгэр ширтье. Усан борооноор шүхэргүй гүйе. Хаврын үдэш болзоонд алхая. Оддыг ажиж, хайрын тухай ярилцъя. Хайрлахад цагаа харамлахгүй байя. Хөгжилдөхөд цагаа хэмнэхгүй байя. Байргүй байсан ч дурла. Машин аваагүй ч аял.

Зуны шөнө шиг л богинохон юм гэнэ залуу нас. Дуусахаас нь урьтаж жаахан тухалъя.