ЦЕГ: Playtime фестивалын үеэр сэжигтэй 4 иргэнээс шинжилгээ авахад 1 иргэнээс мансууруулах бодис илэрсэн

Хар тамхитай тэмцэх газрын алба хаагчид Playtime фестивалын үеэр иргэдийн мэдээллээр сэжигтэй 4 иргэнээс шинжилгээ авахад 1 иргэнээс мансууруулах төрлийн бодис илэрсэн тухай мэдээлэл цацагдсан. Энэ талаар ЦЕГ-аас тодруулахад "Энэ хэрэгтэй холбоотой мөрдөн шалгах ажиллагаа үргэлжилж байна. Сэжигтэй 4 иргэнээс шинжилгээ авахад 1 иргэнээс мансууруулах төрлийн бодис илэрсэн нь тогтоогдсон. Харин аль хамтлагт хамаарагддаг ямар хүн болохыг нууцлах ёстой" гэлээ.

Шинжилгээ авсан 4 иргэний тухайд Mxrningstar хамтлагийн гишүүд байсан гэх мэдээлэл олон нийтэд цацагдаад байгаа юм.