СОНСГОЛ: С.Баярцогт ОТ-н ногдол ашгийг 2019-2020 оны зааг дээр авч эхэлнэ гэж С.Ганбаатар гишүүнтэй хийсэн мэтгэлцээний үеэр хэлж байжээ

Улсын Их Хурлын 2025 оны 62 дугаар тогтоолоор байгуулагдсан Оюутолгойн бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх Улсын Их Хурлын хянан шалгах түр хорооны нотлох баримтыг шинжлэн судлах сонсгол эхэллээ. Сонсголын эхэнд шинжээч Оюутолгойн хөрөнгө оруулалтын гэрээтэй холбоотой дүгнэлтээ танилцууллаа. Энэ үеэр Сангийн сайд асан С.Баярцогтын С.Ганбаатартай хийж байсан мэтгэлцээний бичлэгийг үзүүлэв. Тус бичлэгт Сангийн сайд асан С.Баярцогт "ОТ-н ногдол ашгийг 2019-2020 оны зааг дээр авч эхэлнэ" гэж хэлж байжээ.