Ч.Лодойсамбуу: Дэд сайдууд өнөөдөртөө хэрэггүй. Наад зардлыг чинь хөлс хөдөлмөрөөрөө төлдөг ААН-үүд бүсээ чангалсаар гэдэс нь тасарч байна

Өнөөдөр Монгол Ардын намын Удирдах зөвлөл хуралдаж, 16 хүнийг дэд сайдад дэмжсэн билээ. Үүнтэй холбоотойгоор УИХ-ын гишүүн Ч.Лодойсамбуу "Төсөв бүрдүүлэх нэрээр хэдэн компаниудынхаа дансыг хааж, байдгийг нь хүчээр татаж хуйгаар нь дампууруулж байгаа. Тэгснээ төсөвтөө ачаа нэмж 16 дэд сайд томилно гэх юм. Манайд тэр хяналтын менежерүүд ч, дэд сайдууд ч өнөөдөртөө хэрэггүй. Наад зардлыг чинь хөлс хөдөлмөрөөрөө төлдөг аж ахуй нэгжүүд бүсээ чангалсаар гэдэс нь тасарч байна. Сүүлийн ганцхан жилд татварын өртэй компаниудын тоо 20 мянгаар нэмэгдлээ. Энэ Засаг нээрэнгээсээ олж харахгүй байгаа юм байх даа. Харуулах уу" гэв.