“Бүрэн эрх нь дууссан УИХ-ын гишүүнд олгох тэтгэмжийг хүчингүй болгох асуудлыг хаврын чуулганаар эцэслэн хэлэлцүүлнэ“

Төрийн байгуулалтын байнгын хорооноос өнгөрөгч намрын чуулганаар авч хэлэлцсэн асуудлынхаа талаар өнөөдөр мэдээлэл өгсөн. Энэ үеэр тус байнгын хорооны дарга Ц.Сандаг-Очир "Бүрэн эрх нь дууссан УИХ-ын гишүүнд олгох тэтгэмжийг хүчингүй болгох асуудлыг хаврын чуулганаар эцэслэн хэлэлцүүлнэ. УИХ-ын гишүүд хуулиар иргэдээсээ давсан боломжийг өөрсдөдөө бий болгосон байж таарахгүй" гэв.