УИХ-ын гишүүн асан Ж.Мөнхбат мөрдөн байцаалтын явцад оргон зугтсан тул ирсэн даруйд нь ХИЛИЙН ХОРИГ тогтоожээ

УИХ-ын гишүүн асан Ж.Мөнхбатыг АТГ-аас шалгаж байсан ч тэрбээр мөрдөн байцаалтын явцад хил гаран явсан байдаг. Харин тэрбээр өдгөө эх орондоо ирсэн бөгөөд хэдхэн хоногийн өмнө намынхаа золголтод очсон юм. Тэгвэл түүнд холбогдох хэргийн талаар ХЗДХ-ийн сайд Б.Энхбаяраас тодруулахад "УИХ-ын гишүүн асан Ж.Мөнхбатыг хорих шийдвэр гарсан үед гадаад явж, мөрдөн байцаалтаас оргон зайлсан. Сая хүсэлтээрээ ирсэн тул шүүхээс шууд хилийн хориг тавьсан" гэлээ.