М.Адилсайхан: Хууль бус, шударга бус зүйлийн эсрэг явж байгаад дахиад ажилгүй боллоо

УНТЭ-ийн Эмнэлзүй эрхэлсэн дэд захирал М.Адилсайханыг ажлаас нь чөлөөлжээ. Тэрбээр хэдхэн хоногийн өмнө хэвлэлийн хурал хийж, "УНТЭ-ийн удирдлагыг долоо хоногт гурав сольсноор эмнэлгийн үйл ажиллагаа хямрах нөхцөлийг бий болголоо" хэмээн мэдээлж байсан юм. Тэгвэл түүнийг ажлаас нь чөлөөлөх шийдвэр өчигдөр буюу энэ сарын 27-ны өдөр гарсан байна. Энэ талаар М.Адилсайхан эмч өөрийн цахим хуудастаа, "Хавдар дээр очиж сайдын дургүйг хүргээд, Нэгдүгээр эмнэлэг дээр очиж төрийн нарийн бичгийн даргын дургүйг хүргэж халагдлаа. Хууль бус, шударга бус зүйлийн эсрэг яваад дахиад ажилгүй боллоо. Эмнэлэг зүгээр ажиллаж байхад нь худлаа мэдээ тараасан гэнэ. Нэгдүгээр эмнэлэгт хэвтсэн хүмүүс эм хэрэгсэл худалдаж аваагүй гэнэ" гэжээ.