АҮЭБЯ: БНХАУ-аас 6000 тонн АИ 92, АИ95 төрлийн автобензин авах тохиролцоонд хүрсэн. Маргаашаас ачигдаж эхэлнэ
Аж үйлдвэр, эрдэс баялгийн яамнаас шатахуунтай холбоотой цаг үеийн асуудлаар мэдээлэл хийлээ. Энэ үеэр, АҮЭБЯ-ны Төрийн нарийн бичгийн дарга, "Шатахуун түгээх станцуудын нөхцөл байдлын тухайд аймгийн төвүүдэд түгээлт хэвийн үргэлжилж байгаа бол зарим сумдад шатахуун тасалдаад байна. Нийслэлд "Петровис" ХХК-ийн нөөц багассан бол "Шунхлай", "Тэс Петролиум" ХХК нөөцдөө хязгаарлалт тогтоон шатахуун олгож байгаа. Маргаашаас Петровис, Содмонгол, Тэс, Шунхлай компаниуд дээр нөөц нэмэгдүүлэхээр ажиллаж байгаа учраас түгээлт нэмэгдэнэ" гэдгийг онцоллоо.
Мөн тэрбээр, "Өнөөдрийн байдлаар АИ 92 автобензины 15 хоногийн нөөцтэй байна. 10 хоногийн хугацаанд 30 хоногийн нөөцтэй болгоно. ААН-үүдийг үнэ нэмэх гэж хомдсол бий болгож байна гэсэн буруу ойлголт нийгэмд байна. Эрэлт нэмэгдэж, нийлүүлэлт багасахаар зах зээлийнхээ зарчмаар үнэ нэмэгдэх нөхцөл байдал бүрддэг.
АҮЭБ-ын сайд Г.Дамдинням түлш, шатахууны асуудлаар БНСУ-руу уулзалт хийхээр явсан. Бид тус улсаас онгоцны дизель түлшийг авахаар тохирсон. Мөн БНХАУ-аас 6000 тонн АИ 92, АИ95 төрлийн автобензин авах тохиролцоонд хүрсэн. Маргаашаас ачигдаж эхэлнэ. Энэ нь нөөц бүрдүүлэх ажлын нэг хэсэг" гэлээ.
