Зах зээлд IHC койн гаргах замаар иргэдээс 24.7 тэрбум төгрөг татан төвлөрүүлсэн "Их бит" ХХК-ийн хувьцаа эзэмшигч О.Мөнхжин, Б.Гантиг, Б.Эрхэмбаяр нарыг өнгөрсөн Лхагва гарагт баривчлан ШШГЕГ-ын харьяа хорих 461 дүгээр ангид саатуулан шалгаж эхэлсэн. Тэднийг койноор татан төвлөрүүсэн хөрөнгийг зориулалтын бусаар зарцуулсан болон зах зээлд манифуляци хийж олсон орлогыг угаасан гэх хэрэгт холбогдуулан шалгаж буй юм.

Ингэхдээ 48 цагийн хугацаатайгаар саатуулсан бөгөөд уг хугацаа өнөөдөр дуусч байгаа тул түүнийг үргэлжлүүлэн хорих эсэх цагдан хорионы шүүх хурал өнөөдөр болох ёстой юм.Одоогийн байдлаар тус хувьцаа эзэмшигчдийн үргэлжлүүлэн цагдан хорих саналыг прокурорын байгууллагаас шүүхэд ирүүлснийг хүлээн авсан бөгөөд эл саналыг хэлэлцэх эсэхийг өнөөдөр ажлын цаг дуусахаас өмнө шийдэх юм.

“IHC” койны татан төвлөрүүлсэн мөнгөн хөрөнгийг хэрхэн зарцуулсан талаарх өнөөдрийн манай сайтын бэлтгэсэн нийтлэлийг энд дарж унших боломжтой.